سمسم شهاب عن اعتزاله الغناء: أنا مقولتش كدة ده قرار ناوي أخده في المستقبل
انتشرت أنباء قوية تفيد بـ إعتزال المطرب سمسم شهاب الغناء، ووصفه للفن بالحرام، الأمر الذي جعله يقوم بتوضيح حقيقة الأمر من خلال الظهور في فيديو لايف عبر صفحته الرسمية على “فيس بوك”.
وقال سمسم شهاب: "فيه صحفي سألني بيقولي الفن وإلى آخره قلتله مش راضي عن الوضع اللي حاصل، قالي وبتهاجم بتوع المهرجانات ومش حابب الفن ده وبتدعو للفن الكويس، قلتله آه طبعا، قالي ما أنت بتغني في ملاهي ليلية، قولتله أنا مجبر إن شاء الله أحاول أبعد، فقالي ده حرام قلتله لو هنتكلم عن الحلال والحرام، ففيه كتير من الأئمة حرموا الغناء ف ادعيلي ربنا ياخد بأيدي وابعد خالص وده المشروع المستقبلي اللي بفكر فيه".
تابع سمسم شهاب: "سألني يعني أنت هتعتزل ؟ فقولت ده موضوعي اللي جاي عايز بس أقف على أرض صلبة عشان مبقاش حرقت نفسي، وخسرت ربنا ونفسي وخسرت حاجات كتير جدا، قمت لاقيت مواقع كتيرة وكبيرة بتكتب إني بعتزل الفن نهائيا، بس الحقيقة انا مقولتش كدة، ده قرار ناوي أخده في المستقبل، خلال فترة مش كبيرة”.
