سهير جودة تعلق على شائعة وفاة صلاح السعدني: رهبة الموت مبقتش موجودة عند الناس

علقت الإعلامية سهير جودة، على الشائعات حول رموز الفن، قائلة: الاشاعات عاوزة مننا ايه، مروجي الاشاعات طول الوقت بيستهدفوا شخصيات مؤثرة وملهمة في حياتنا وليها جمهورها وليها وزنها وليها قيمتها، مش عارفة لية الشائعات طول الوقت بتستهدف النجم عادل امام بالامس استهدفت الفنان صلاح السعدني.

سهير جودة تهاجم مروحي الشائعات:  ليه عندنا شهوة الاشاعات.. كفاكم قتلا

وتسائلت سهير جودة في تصريحات تليفزيونية، قائلة:  ما سبب الاشاعات دي، مفيش احترام لحياة الناس ليه، الناس بتتجرأ  على الموت نفسه مش بس على حياتهم، معقولة حتى جلال ورهبة الموت مبقتش موجودة عند الناس اللي بتنتج الاشاعات دي بسبب وبدون سبب.

وأضافت: احمد السعدني نفى امبارح شائعة وفاة والده ، لكن الغريب أن أحد الشخصيات العامة هو من تداول الشائعة على صفحتة دون أن يتأكد من صحة الخبر، وبدأت الشائعة تنتشر، لذلك كان رد أحمد السعدني على الشائعة قاسي، حتى دعى على مروج الشائعة، وتعامل مع الامر بكل عصبية لغضبه من ترويج تلك الشائعة.

وهاجمت سهير جودة مروجي الشائعات: هتفيدك بأيه ان انت تطلع اشاعة او تنشر خبر كاذب، ليه وازاي نتكلم ونكتب من غير دقة ومناسبة، ليه عندنا شهوة الاشاعات، مش دي الشخصية المصرية خالص، دي ابعد ما تكون عن اخلاقيات المصريين، وفكرة الاشاعات دي من أسوء ما يكون، وده فعل غير اخلاقي ومشين، والمفروض القانون يحاسب عليه ، وربنا هيحاسبك عليه، احنا بقينا نستسهل فكرة الاشاعة ونصدقها او نشيرها، كفاكم قتلا بالاشاعات.