سهير جودة: نادية الجندي نجمة 2022 وكل ما تكبر تحلو

أعربت الاعلامية سهير جودة، عن تفاؤلها بالخير مع بداية العام الجديد، قائلة: على النوايا الحلوة دايما ربنا يرزقنا، لما ربنا بيمنحك بداية جديدة متكررش الأخطاء القديمة، ومتجددش الأحزان القديمة، أبدأ دايما بنوايا جديدة، الأعمال بالنيات في كل وقت د، ولنا ما نختار، نختار الحب والسعادة والسلام لينا ولكل الناس يارب دايما.

اللحظة بتفوت مهما كانت صعبة دة اللي ممكن يخلينا نقدر كل يوم جديد

وأضافت سهير جودة، في تصريحات تليفزيونية، قائلة: نوايا العام الجديد 2023، ان احنا نجدد نوايانا للإخلاص والأمنيات الحلوة، والأمنيات  الحلوة تجد طريقها وتتحقق، نية اختيار العلاقات المناسبة التي تضيف إلى وجودنا، صحبة حلوة وونس وسعادة وراحة، نية ترك الذكريات المزعجة، والأشياء التي تستهلكنا وتستهلك الوقت والاهتمام والصحة، نية ان احنا نخلي وجودنا واثرنا في الحياة جميل وطيب، ونجدد كل يوم وعدنا لنفسنا اننا نكون إضافة جميلة للعالم، ونترك كل شئ على الله، ومثلما مرت سنة 2022، ستمر سنة 2023، وستكون ذكرى وصفحة في الماضي.

وأشارت: الوعي بإن اللحظة بتفوت مهما كانت صعبة دة اللي ممكن يخلينا نقدر كل يوم جديد، كل يوم هو هدية وفرصة للحياة وللمحاولة والسعي والأمل، فالمحاولة في حد ذاتها احتفال بالحياة وبالبداية، واحنا بنتطلع للسنة الجديدة عايزين نتخلص من كل ما هو سئ، ونبقي فقط على ما هو جيد، الامر فعلا ممكن يبقى بهذه البساطة.

وأوضحت: ومن الحاجات الحلوة دايما  في كل سنينا نجمة متسمتش نجمة الجماهير من فراغ، ولكن لان التاريخ واعمال مهمة جدا وانسانية عالية جدا وجمال ومحافظة بالصورة الجميلة عند الناس وكل ما تكبر كل ما تحلو، عشان كدة بالرغم من انها مش بتشتغل سينما ولا تلفزيون، السنة اللي فاتت الا انها ترند 12 مرة في عام 2022، يعني نقدر نقول ان نجمة 2022 نادية الجندي.