شذى: "زعلانة من تامر حسني وسيرته بتقلبلي مزاجي"
كشفت المطربة شذى، عن سبب خلافها مع نجم الجيل الفنان تامر حسني، بعد تقديمهم دويتو حقق نجاح كبير خلال السنوات الماضية، مشيرة أن سبب خلافهم يعود لبسبب غيابه وقت وفاة والديها.
شذى: "زعلانة من تامر حسني وسيرته بتقلبلي مزاجي"
وقالت شذى، خلال حوارها في برنامج أنا سعيد، الذي يقدمه الإعلامي سعيد جميل:" سيرة تامر حسني بتقلبلي مزاجي، مش عشان أنا مبحبوش لأ أنا بحبه جدًا وإحنا عشرة سنين، ولكن تامر من وقت وفاة أبويا وأمي مظهرش، ولو ظهر بيظهر كضيف شرف، ومش بتكلم على الشغل أنا بتكلم على الإنسانية، أنا مليش حد هنا ومعنديش إخوات وكل عيلتي برا مصر".
وتابعت شذى:"على المستوى الشخصي والمهني تامر ضيف شرف في حياتي، خاصة إني بتعرض لأزمات كتير في السوق وتغير الذوق، ولكن تامر في إيده إنه يصلحلي حاجات كتير وأنا أستاهل ده لأن الصحاب لازم يكونوا ضهر لبعض، خصوصًا لو أنت كنت كويس معاه قبل كده، عشان كده بزعل لما بتيجي سيرة تامر، لأني مكنتش مستنية منه حاجة كنت مستنية يسأل عليا".
