"الصرح العظيم بيقفل" عمرو يوسف يدعم مستشفي 57357
طالب الفنان عمرو يوسف جمهوره و متابعيه بالتبرع إلى مستشفى 57357 بعد معاناتها بسبب قلة التبرعات، وذلك من خلال منشور له عبر حسابه الشخصي على موقع تبادل الصور والفيديوهات “إنستجرام”.
"الصرح العظيم بيقفل" عمرو يوسف يدعم مستشفي 57357
وعلق عمرو يوسف مقطع فيديو له، قال فيه: “محدش طلب مني أعمل الفيديو دا ومستشفى 57357 هذا الصرح العظيم بيقفل والمستشفى دا قائمة بشكل كبير على تبرعتنا وفيه فرع في طنطا سمعت أنه قفل”.
وتابع: “والحقيقة أنا بقالي فترة بسمع كلام كتير عن أن المستشفى حالتها صعبة جدا لأن التبرعات بتاعتها قلت، المكان دا أنا روحته من كذا سنة والحقيقة هو مكان عظيم والناس اللي هناك محترمة جدا والشغل اللي بيعملوه غير طبيعي”.
وأضاف: “طب دلوقتي فيه أزمة اقتصادية واحنا كنا بنتبرع بس دلوقتي احنا مش قادرين نتبرع.. مش مشكلة نتبرع.. كنت بتتبرع بكام.. لو كنت بتتبرع بألف خليهم 800.. مش قادر خليهم 500.. مش قادر خليهم 100.. صدقوني الجنيه بيفرق معاهم”.
