"كانت هتموت المدير".. فتاة تثير الفزع داخل مدرسة بإمبابة بسبب تحدي "التيك توك"
قامت مجموعة من الفتيات بتقليد تحدي "اتشارلي" على تيك توك" داخل حمام إحدي المدارس بإمبابة مما أدي لوجود حالات فزع داخل المدرسة.
وحذرت أحد أقارب واحدة من الفتيات بالمدرسة قائلة،" بنت خالتي جاية الصبح منهارة من المدرسة ولما حكتلي إلي حصل بصراحة مصدقتش وقلت لا اكيد بتهول بس شويه ولقيت نفس الي حكتو كلو نازل علي الفيس والموضوع فعلا طلع بجد بنات دخلو حمام المدرسة علشان يلعبون لعبه اسمها اتشارلي اللعبة دي لعبه أمريكية حابو يقلدوهم كانوا حوالي اربع بنات او اكتر مش عارفه بنت كان معاها ورقه فضلت تقول حاجات غريبه كده وفي الاخر البت دى اتلبست اتكلمت بصوت غريب وهددتهم أنهم لو مكملوش اللعبة هيموتو البنات خافو وكملو لعب لحد ما شافو البنت اللى اتلبست عينيها نزلت دم ولونها اسود ومشيت علي الحيط بطريقه غريبه بنت جالها سكته قلبيه وبنت وقعت نفسها من الدور الرابع وواحده فضلت تعور في نفسها".
وتابعت " البنت اللى اتلبست دخلت علي المدير كانت هتخنقه المدير من المظر دخل المكتب وقفل علي نفسه الباب من الخوف وحبسوا البنات في المدرسة والذي فتح لهم الباب أولياء الأمور بصراحة قصة غريبة بس فعلا الدنيا اتقلبت واسعاف داخله خارجه والشرطة راحت".
