سمية الخشاب بعد عودة شيرين لـ حسام حبيب: "منتعاطفش مع حد"

قامت الفنانة سمية الخشاب بتوجيه رسالة إلى جمهورها طالبتهم فيها بعدم التعاطف مع أي شخصية إلا بعد التأكد من أنه لن يكرر أخطائه، وذلك بعد عودة الفنانة شيرين عبد الوهاب لزوجها الفنان حسام حبيب.

سمية الخشاب بعد عودة شيرين لـ حسام حبيب: "منتعاطفش مع حد"

ونشرت سمية الخشاب عدد من التغريدات على موقع التدوينات القصيرة “تويتر” مغردة :" بعد كده يا حبايبي منتعاطفش مع حد إلا لما نتأكد أنه هو نفسه متعاطف مع نفسه عشان منحرقش كتير على الفاضي".

تابعت : “ الواحد لما بيركز فى شغله وحياته وشكله بيوصل لمرحلة ملكية مبيبقاش فعلا محتاج لحد، إلا لو هو بلا هوية ولازم يكون تابع لحد عشان يعرف يعيش”.

أضافت سمية الخشاب: “أي علاقة تمنها كرامة الإنسان تغور في ستين داهية، العالم فيه 6 مليار والله”.

ونصحت سمية الخشاب متابعيها قائلة: "المهم يا بنات ويا ستات ارجوكم حاولوا علي قد ما تقدروا تبقوا good representation واعرفوا قيمه نفسكم واعرفوا انكم مش محتاجين اي حد في الدنيا، ده بالعكس هما اللي محتاجيننا اكتر".

قالت الفنانة شيرين عبد الوهاب ، بعد عودتها لحسام حبيب وعقد قرانهم مساء أمس ،" أنا فى أمان وفى عصمة راجل وحسام ده حب حياتي "، متابعة " سونسون عملي مفاجأة وجاب المأذون امبارح وقالي لازم نكتب الكتاب".

وتابعت إنها ستتنازل عن القضايا التى رفعتها ضد أخيها قائلة،" أنا مارضاش إن امي تنام يوم واحد وهى بتعيط علشان بنتها وابنها فى خلاف" .

وحول حالتها الصحية قالت أنا  بخير ومازالت تخضع لعلاجها النفسي ، موجه الشكر لجمهورها وكل من سأل عنها .

وتابعت فى مداخلة مع الإعلامي عمرو أديب ، " ممتنة للناس وعمري ما هخذلكم ابدا وبشكر كل اللي قال كلمة حلوة وكل اللي قال كلمة وحشة" .

وقالت عن أزمتها والأيام التى قضتها فى المستشفي " الأيام كانت صعبة فى المستشفي لأن اتاخدت على خوانة".