سندوتشات ماكدونالدز فيها خطر قاتل.. فتاة تجد قطعة معدنية داخل وجبتها
تقدمت فتاة بشكوي لجهاز حماية المستهلك بعد أن وجدت قطعة معدنية داخل أحد الساندوتشات التي طلبتها من ماكدونالدز.
وقالت الفتاة ،" امبارح حصلي موقف من ابشع الحاجات اللي ممكن كانت تحصل و كان في احتمال اني حياتي تروح او الله اعلم كان هيحصلي ايه لولا ستر ربنا ..طلبت ساندويتش فلافل من ماكدونالدز فرع العبور (جولف سيتي) و وانا بأكل عادي لاقيت حاجه تحت سناني ركزت شويه و حاولت اطلعها افاجأ بحاجه معدن ليها حروف حاده جدا ..اتخضيت طبعا و كلمت الفرع ردت عليا خدمه العملاء و اديتني مدير الشيفت اللي استهبل و قعد يحور ان مدير الفرع مش موجود بس انا مسكتش و هددته اني هروح الفرع و ابلغ البوليس و هعملهم فضيحه بعتولي ناس من الاداره و احنا بنعتذر و مقدموش حقيقي حاجه تذكر غير شويه اعتذارات و لا ليها اي قيمه قدام حياتي او حياه اي حد كانت هتروح و كانوا عايزين يأخدوا القطعه المعدنيه علشان يحللوها هي جايه من الفلافل ولا من السلطه سبب غبي ميصدقهوش طفل يعني و طبعا مخدوهاش .....القطعه اللي انتو شايفنها دي كانت ممكن تتسبب في اختناق و جروح قطعيه في الفم و الاحبال الصوتيه و تتسبب في نزيف في المعده و دا كلام دكاتره مش جايباه من عندي "
وتابعت الفتاة "بجد قاعده بتخيل ان لو كانت جت في طفل صغير مش هيقدر يتحكم و يطلعها و كان بلعها كان ممكن يحصل فيه ايه..محتاجه دعم كل واحد علشان حقي و حق اي حد ف موقفي ميضعش .. انا مش جايبه حاجه من تحت السلم دا مكان المفروض عنده اجراءات سلامه و كوالتي المفروض انها محترمه..و المفروض ان الاطفال بيمثلوا شريحه كبيره من جمهوره ..قعدنا نسكت علي حقنا في العيش اللي بيطلع معفن و الكوالتي اللي زي الزفت لغايه ما وصلنا للقطع المعدنيه و الاستهتار بحياه الناس .
