محمود سعد: أحمد زكي فقد بصره قبل وفاته وطلب الزواج من راغدة
كشف الإعلامي محمود سعد عن كواليس الأيام الأخيرة في حياة الفنان الراحل أحمد زكي، بعد إصابته بالسرطان، واحتجازه داخل أحد المستشفيات.
محمود سعد: أحمد زكي فقد بصره قبل وفاته وطلب الزواج من راغدة
وتحدث محمود سعد عن معاناة أحمد زكي في أيامه الأخيرة، خلال فيديو له عبر حسابه الشخصي بموقع التواصل الاجتماعي "الفيسبوك"، قائلا: "أحمد زكي مينفعش يتحبس في أوضة، كان بيهرب من المستشفى بالليل، وواحد صاحبه بيجي ياخده يتعشى في مطعم ويرجعه تاني، ويصحى الفجر يتمشى في المستشفى لأنه مخنوق، دا كان أصعب من ألم المرض، كنت بحس إنه عايز يكسر الحيطة لأنه مش مستوعب أنه محبوس".
وتابع محمود سعد: "أحمد قبل ما يموت بيوم، هيثم وقف جنبه وهو نايم، وقاله متسيبنيش يا بابا أنا محتاج لك، فـ أحمد مسك إيده جامد.. الولد أتجنن وفضل يقول بابا حاسس، ولما الدكاترة دخلوا قالوا مفيش جديد، هي مجرد استنارة فقط بجسده".
وأوضح محمود سعد عن موضوع فقد بصر أحمد زكي :"حكاية فقد أحمد زكي البصر كانت حقيقية، لكن مكنش بيبين للناس، بيفهم أنت فين بالظبط، وبيحس بيك، ويمد إيده في الوقت المحدد، بحيث أنك متحسش بحاجة، وفي اليوم الأخير اللي حصل في الغيبوبة، أحمد كان بيقول لرغدة نزليني أقعد قدام الجامع، أنا برتاح أوي لما أقعد قدام الجامع".
