"دنيا سمير غانم" تشكر مكتشفة موهبتها في المدرسة

شاركت الفنانة دنيا سمير غانم متابعيها بصورة مع مدرستها أيام المدرسة، مشيرا إلى تشجيعها ودعمها الكبير لموهبتها، وذلك عبر صفحتها على موقع التواصل الاجتماعي فيسبوك.

دنيا سمير غانم تشكر معلماتها في المدرسة بكلمات مؤثرة 

كتب دنيا سمير غانم قائلة: “الصور دي من أهم الصور المعبرة في حياتي لإني متصورة مع الأم و الأستاذة المربية الفاضلة د/نوال الدجوي أو زي ما اتعودنا نقول لها “ماما نوال”.

‎تابعت:"أنا فخورة إني متخرجة من مدرسة “دار التربية “ وجامعة “MSA” اللي حضرتك بكل تفاني بذلتي مجهود كبير في انهم يكونوا مكان جميل مش بس للتعليم و التربية و لكن لإكتشاف المواهب لما كنت في أولي حضانة مدرستي هي اللي اكتشفت إني بعرف أغني و كانوا كل مدرسين الموسيقي مهتمين انهم يخلوني أغني كل سنة في حفلة المدرسة ”

وأضافت دنيا سمير غانم :"و كانوا بابي و مامي بييجوا و يتفرجوا عليا و كانت دي من أجمل ذكرياتي اللي استرجعتها امبارح لما كنتي حضرتك بتتفرجي عليا وانا بمثل علي المسرح و جملة حضرتك ليا بعد العرض "انت هتخليني أهتم أكتر بالمواهب الصغيرة في المدرسة عشان يكونوا زيك ".

‎واختتمت :"انا بشكرك جدا علي كل حاجة زرعتيها فيا من زمان بطريقة مباشرة او غير مباشرة، حضرتك والأم الثانية لينا ميس مني الدجوي رمز للرقي والشياكة و صديقتي وزميلتي إنجي منصور حقيقي نورتوني وأثرتوا فيا أوي و بحبكوا اوي".