بعد تصدرها للتريند.. أبرز تصريحات صفاء جلال في برنامج "كلام الناس"‏

تصدرت الفنانة صفاء جلال مؤشر البحث "جوجل"، وذلك بعد تصريحاتها مع الإعلامية ياسمين عز في برنامج "كلام الناس" الذي يذاع عبر قناة "إم بي سي مصر".

وفيما يلي أبرز تصريحات صفاء جلال خلال حوارها مع ياسمين عز:

تحدثت صفاء جلال عن السبب وراء عدم تقديمها دور راقصة في الأعمال الفنية: 

 قائلة: “بعد ما عملت دور راقصة في مسلسل ”إمرأة من زمن الحب" جوزي قالي مش هتعملي دور رقاصة تاني، وهو قالي إحنا هنكمل تمثيل بس بلاش دور رقاصة تاني خالص فعشان كدا معملتش دور رقاصة، وسمعت كلامه علشان ميزعلش".

 صفاء جلال وتعاونها مع الزعيم:

شاركت الفنانة صفاء جلال في أعمال درامية مع الزعيم عادل إمام، قائلة: "اشتغلت مع الزعيم عادل إمام في مسلسل صاحب السعادة، وكان جسمي رفيع".

 وتابعت: "غبت شويه وبعدين جيت أعمل ضيفة شرف معاه في مسلسل عوالم خفية، وكان جسمي مليان، قال لي تخنتي ليه يا صفاء قلت له الاكتئاب، فقال لي أوعي تزعلي ولا تكتئبي افرحي دائما واضحكي على طول وحبي الدنيا ولا تنظري للجانب السلبي في الحياة، وخليكي مبسوطة عمرك ما هتكبري"
 

كشفت صفاء جلال عن عمرها الحقيقي:

كشفت الفنانة صفاء جلال، عن عمرها الحقيقي على الهواء، قائلة: "أنا داخلة على الـ49 سنة حاليًا"، لافتة: "أنا عشت كل مرحلة عمرية بحلوها ومرها، مش بتكسف إني أقول عندي كام سنة، والناس بقت ذكية أوي يعني مش هطلع أقولهم انا عندي 35 سنة وعمر ما السن شكل ليا  مشكلة". 
 

صفاء جلال بعمل عمليات تخسيس ونحت:

كشفت الفنانة صفاء جلال عن السر وراء وصولها إلى وزن مناسب، قائلة: "عملت عملية نحت جسم عشان في فترة كنت تخنت أوي وقابلت دكتور وعملت عملية بس بعدها سيبت نفسي وتخنت تاني فبعديها عملت كبسولة المعدة عشان ما كلش، لأني كان عندي مشكلة في الأكل بالليل".

وأضافت: "عملت كبسولة المعدة كانت لطيفة معايا عشان كنت محتاجة أنزل 10 أو 15 كيلو وفعلًا نزلتهم ودلوقت بكمل دايت وبروح الجيم".

واستكملت: "ما أفعله مجهود على أي ست وبالذات اللي عدت 45 لأنها بتبقى عارفة أنها بتبذل مجهود اكتر من بنوتة عندها 20 سنة، والمشكلة مش فيا بس عشان الناس متعودين عليا من أيام الضوء الشارد كنت رفيعة جدًا وبحاول على قد ما بقدر أوصل لشكل لطيف والناس تتقبله".

ماذا قالت صفاء جلال عن الرجل الشرقي؟ 

تحدثت الفنانة صفاء جلال عن كيفية المعاملة مع الرجل الشرقي قائلة: "أنا إتجوزت وأنا 24 سنة، واخترت اتجوز راجل شرقي، وأمشي على هواه هو، وأمشي على حسب هو بيحب إيه، هو كمان بيحاول يعمل كل حاجة عشان يبسطنا.. لما بعمل شغل بعمله كويس جدا بس يكون ميأثرش على حياتي أو بيتي دي أهم حاجة عندي”.

وأضافت: “بس فيه رجالة وحشة كتير، أنا 90% من صحابي مطلقات وستات عادية مش ممثلات ولا حاجة وده لأنهم معرفوش يتوافقوا مع بعض”.