تحذيرات على السوشيال ميديا من الأجهزة المنزلية لشركة توشيبا "العربي"

تداول رواد مواقع التواصل الاجتماعى تحذيرات من شراء بعض أنواع الأجهزة من شركة العربي لعدم جودتها بجانب سوء خدمة العملاء بالشركة على حد قولهم.

وقالت سيدة فى شكواها التى تم تداولها عن سوء بعض الأجهزة فى شركة العربي  " تحذير للاسف بوتجاز لاجرمانيا العربي بيصدي ماحدش يشتريه اشتريت بوتجاز لاجرمانيا La Germania Egypt وتم تركيبه 26/3/2022  ولم يتم تشغيله الا منتصف شهر ٦ وبعد تشغيله بشهر تقريبا ظهر صدأ في جانبي البوتجاز والجزء الامامي من تحت ولما بلغت شركة العربي ارسلوا فني لفحص الجهاز ثم آخر ثم آخر وكلهم أجمعوا انه صدأ وانه عيب صناعة ورفضوا اعطائنا تقرير مكتوب بذلك".

وتابعت  عن شركة العربى وبعض الأجهزة بها " اتصل بي قسم المتابعة وبلغني ان الدعم الفني رفض الاستبدال وقال ان الصدأ ليس عيب صناعة بل هو سوء استخدام والاصلاح علي حساب العميل..تخيلوا بوتجاز يصدي بعد شهر من استخدامة والصدأ في الجوانب وليس من الاعلي مكان الشعلات اللي هو اولي بسوء الاستخدام دا لو فرضنا ان الاستانلس بيصدي وانه سوء استخدام..والغريب لما سألتوا يعني ايه سوء استخدام قال ممكن تكونوا نظفتوه بميه ومنظف ومنشفتهوش اه والله بنفس اللفظ ".

كما تم تداول شكوي أخر من أحد أجهزة شركة العربي تضمنت " اشتريت شاشة 50 بوصة من فرع تاون سنتر توشيبا العربي وهى لسه بالكرتونة بطلعها من الكرتونة عشان أشغلها لأن فرحى المفروض كان امبارح بفتحها لقيتها فيها كسر داخلى روحت فرع الصيانة الرئيسى فى العباسية اتقالى عيب إستخدام طب ازاى وهى مشتغلتش عارف إن فى ناس تفكيرها محدود وهترد تقول طيب ما أنت استلمتها وجربتها هقول لأ لأن والدى اللى استلمها ومندوب العربى فعلاً خرجها وقاله من بره اهى مفيهاش أى كسر وطبعا لأن كل اجهزتى من العربى ولأن معظم الناس بتشكر فيهم بس للأسف الشديد لقيت عكس كده نهائى من أول موظفين الكول سنتر لحد موظف الاستقبال اللى فى فرع الصيانة الرئيسى فى العباسية الرد الغير منطقى كان من مدير صيانة فرع العباسية اللى قالى أنها بسبب وأنت بتطلعها من الكرتونة حد ضغط على الجنب قولتله ده تفسيرك وده منطقى سكت قالى أقصى حاجة ممكن اعملها أنى انزلك خصم 835ج من تمن التصليح اللى هو 5الاف قولتله لأ طبعاً".

وتابع "الأكبر بقى أنى بشغلها دلوقتي قولت أى حاجة اتفرج عليها وفعلاً كانت شغالة لحد فجأة لقيتها جابت خطوط حمراء وفصلت نهائى مش هقول غير حسبنا الله ونعم الوكيل فى أى حد يستسهل حقوق الناس أو يعين على ظلم حد "، موضحا إنه تم التواصل معه من قبل مسئولي الفرع وعمل خصم على الصيانة 1300 جنيه.