الأحد 02 أكتوبر 2022 الموافق 06 ربيع الأول 1444
رئيس التحرير
حازم عادل
محافظات

ذبح عمه بدم بارد.. شهود عيان يروون تفاصيل ذبح شاب لعمه بميدان العارف بسوهاج (فيديو)

الأربعاء 14/سبتمبر/2022 - 10:35 م
مصر تايمز

لقي شاب مصرعه، ذبحًا على يد نجل شقيقه، منذ ساعات بميدان العارف بسوهاج، بعد مشادة كلامية بينهما قام على إثرها الجاني "فتحي.م" بذبح المجني عليه "احمد.م".

ورصدت كاميرا "مصر تايمز" موقع الحادث وحصلت على بعض الصور من مسرح الجريمة، والتقت ببعض من شهود العيان الذين أوضحوا تفاصيل مجهولة للكثير، فقال "ك.ع": "الحادثة كانت بعد الضهر بساعة حصلت مشادة كلامية بين الجاني والمجني عليه، وطلع كل واحد منهم سكين الجاني كان معاه مطواة صغيرة المجني عليه سكين كبير، بدأت الخناقة محدش حاول يفض بينهم عشان خايفين، لحد ما مسك عمه من رقبته وطعنه".

وقال الفكهاني شاهد العيان "الناس دول شغالين في محلات موبايل هنا، اتخانقوا وقام الولد ماسك عمه من رقبته وضربه الدم فضل يضرب من رقبته بعدين من بوقه، الشرطة جات خلال دقايق قبضت على الجاني، لكن عمه عنده حلاوة روح فضل يرفرف شوية اتدبح هناك وفضل يتحرك لحد ما وصل هنا، ابنه عبد الرحمن هو السبب زعق في ابن عمه اتخانقوا، كمان عبدالرحمن مصاب بقطع في الشرايين بالايد".


وبحسرة وضيق قالت إحدى البائعات بمنطقة العارف "دبح عمه بدم بارد، الدم بقا مية، كانوا واقفين قصادي بيتكلموا وفجأة ضربوا بعض محدش اتدخل عشان الخناقة بأسلحة بيضاء، الاتنين شغالين معانا في السوق لكن الشيطان دخل بينهم ومكانش في مشاكل تستدعي".