ننشر صورة المتهم بالتحرش بالسيدات أثناء الكشف الطبي
نشر رامى الجبالي، مؤسس صفحة أطفال مفقودة، عبر صفحتة الشخصية" فيس بوك " إستغاثة سيدة من أحد الأشخاص يدعي أنه طبيب بمحافظة الجيزة.
وقال "رامي الجبالي" بندور علي سيدات تحرش بيهم هذا الشخص ده واحد بيقول أنه دكتور "سمكري بني آدمين" بيطرقع فقرات ومفاصل الجسم ومنعرفش هو فعلا دكتور أو لا.
ننشر صورة المتهم بالتحرش بالسيدات أثناء الكشف الطبي
وتابع: للاسف راحتله سيدة وابنها معاها عشان عندها مشاكل في فقرات ظهرها الصدرية، وأثناء الجلسة بدأ يلمسها بطريقة قذره ويحط ايده في أماكن حساسة ولما بدأت تقوله ايه ده وازاي تلمسني بالشكل ده اتوتر ولكن هو فضل مستمر بحجة أن ده العلاج وهي معرفتش تتصرف وقتها واخدت أبنها ومشيت منهارة.
وأشار إلى أن: الست فكرت في اللي حصل وأد إيه اللي حصل مهين وقررت تاخد إجراء قانوني، فذهبت الي قسم الشرطة وتعاطفوا معاها بس قالوا لها بدون دليل للاسف موقفك ضعيف.
وأشار إلي أن، السيدة قامت بالاتصال بأكثر من سيدة بيروحوا لنفس الشخص وقالوا لها أنهم حصل معاهم مواقف مشابهة بس هما خافوا يتكلموا عشان أزواجهم و خافوا من الفضايح.
وأكد: حاليا نقوم بالبحث عن شهود سيدات ذهبوا لنفس الشخص ده في عيادته في الدقي وحدث معاهم حوادث تحرش مشابهة وعندهم استعداد يشهدوا، مشيرا إلى أن العياده لا فيها شهادات و لا فيها يافطة ولا سجل تسجيل ضريبي فمنعرفش ده أيه؟!.
