سيدة تناشد المسؤولين بالدموع بسبب طليقها: عاوزة أنفذ القانون وأشوف ولادي
ناشدت “أمنية"، ضحية طلاق زوجها لها، وحرمانها من بنتيها؛ طليقها "خالد "بعودة البنات لحضانتها؛ بعدما حُرمت من سماع صوتهما لمدة عامين ونصف العام ولا تعلم عنهما شيئًا.
وقالت أمنية، خلال لقائها مع الإعلامية" نهال طايل" ببرنامج" تفاصيل “المذاع عبر قناة صدى البلد: مش طالبة منك حاجة، ولا عاوزة الفلوس اللي سرقتها؛ أنا عايزة البنتين دول، وكلمته من سنة وقلتلة يا" خالد حرام" عليك يارا اللي بعتالي تعالي خدينا يا ماما.
واستنكرت معاملة الأب السيئة للطفلتين، لافتة إلى أن طليقها فشل في حياته؛ الأمر الذي دعاه للضغط عليها من أجل إفشال حياتها هي الأخرى، مستشهدة، في هذا الصدد، بامتلاكها أحكامًا قضائية رسمية حصلت عليها من الإمارات تمنعه من دخول الدولة الخليجية.
وشددت على أنها أبرئته عند طلاقهما؛ مقابل حصولها على بنتيها، مؤكدة أنهن ربما يكن تعرضن لأذى، وهناك قانون يمكن من خلاله حصولها على حقوقها، مضيفة: 8 سنين بينزل عند والدتي في مصر وبنعاملة أحسن معاملة من غير ما أكون معاه.
وأضافت: مش عارفة أنفذ القانون وبناشد المسؤولين عاوزة أشوف بناتي، ولو عمل فيهم حاجة أنا ألحقها، وريني حصل فيهم إيه، معندكش لحظة إنسانية تسمّعني صوت بنتي، ربنا موجود من عمايلك وعمايل أهلك، وهو موجود في القاهرة وعليه حكم مستأنف.
ولفتت إلى أن طليقها اتهمها بأنها كسرت عليه الباب وتعدت عليه، مستطردة: «والدته قالتلي أنا قتلتهملك، وهو قاللي هسففك التراب ومش هتشوفيهم تاني، ووالدي ووالدتي اتبهدلوا في الموضوع ده.
واختتمت رسالتها الموجهة لبنتيها قائلة: عايزاكم ترجعوا لحياتكم الطبيعية، وأنا مش عاوزه أئذي أبوكم، مستعدة أبريك من نفقة الولاد يا خالد مش هسامحك، وقال لوالدتي أمنية مش في تفكيري؛ طب عاوز مني إيه؟، أنا خايفة يكون جرالهم حاجة، أنا عاوزة أنفذ القانون وأشوف ولادي.
