محمود الليثي يرد على رأي هاني شاكر: "كلام كبير من أستاذ عظيم"
رد الفنان محمود الليثي، على إطراء الفنان الكبير هاني شاكر عليه من خلال مقطع فيديو تحدث فيه الأخير عن "الليثي".
محمود الليثي يرد على رأي هاني شاكر: "كلام كبير من أستاذ عظيم"
قال هاني شاكر في أحد البرامج «أنا بحب محمود الليثي جداً، مطرب شعبي جميل صوته حلو، ودايما لما بيكلمني في التليفون يغنيلي أغاني من بتاعتي دمه خفيف جدا، وبنقعد نتسلطن كده ونغني، حقيقي إحساسه حلو، محمود ربنا يوفقه دايما ويسعده دايما وأشوفه علطول ناجح».
وكتب محمود الليثي عبر صفحته الشخصية على موقع التواصل الإجتماعي “فيسبوك” منشوراً يرد فيه على هاني شاكر قائلا:"أقسم بالله وحياة ربنا إنت أحلى حاجة ربنا بعتهالي في حياتي يا نجم، ده أنا طول عمري بحبك وليا الشرف لما أمير الغناء العربي يقول كده عليا".
وتابع محمود الليثي “حضرتك قيمة في الفن ده وربنا بعتك لينا والله العظيم أنا بحب حضرتك جدا جدا، ويارب يخليك لينا ويخلي لينا فنك اللي هو أجمل حاجة في حياتنا”.
وانتهي محمود الليثي حديثه قائلاً: “كلام كبير من أستاذ عظيم في الفن العلم الأستاذ الكبير هاني شاكر، كفاية روحك وأدبك وحبك لينا كلنا ونيتك الصافية، والله العظيم الكلام قليل على حضرتك بحبك وربنا يديك الصحة والستر من الرحمن بحب حضرتك وإنت أغلى حاجة عندي، الأستاذ هاني شاكر نقيب المهن الموسيقية”.
