"ربنا خلقنا نساعد بعض".. تامر حسني يعلن دعم مرض ضمور العضلات
رحب الفنان تامر حسني على طلب حسين الجوهري أن يدعم مزاد علاج الضمور العضلي، بعمل صفحة تدرس هذا الحالات ويتم الإعلان عنها لتبرع.
"ربنا خلقنا نساعد بعض".. تامر حسني يعلن دعم مرض ضمور العضلات
كتب تامر حسني على صفحته الشخصية على «الإنستجرام» قائلا:«يا حسين يا حبيبي انا معاك و بدعمك وبدعم حملتك الإنسانية السامية وسلامي لصديقي وحبيبي استاذ خيري رمضان وعندي فكره أتمنى رعايتها ودعمها من اجل كل مريض فكره مش هتخلي مريض واحد في مصر يمد ايده لحد لو مليون مصري اشترك فيها هنحل ازمة الامراض المكلفه في مصر كلها».
تابع تامر حسني «مليون مصري بس من الـ 120 مليون مصري هيتطوعوا على حساب معين للتبرع و هيكون في لجنة مسؤولة من جهه رسمية مسؤولة في الدوله بتقيم الحاله مادياً و المليون مشترك دول هيكونوا بيتبرعوا بشكل دائم كزكاة عنهم و عن اولادهم لخدمة مجتمع كامل و ممكن نسميها مثلاً صفحة المليون أخ».
وأوضح تامر حسني «كل ما تظهر حاله محتاجه رقم صعب الصفحه هتدرسها و تعلن عن الحاله وتكلفتها التبرع هيبقى في حدود من 20 جنيه لـ 40 حسب الحاله بس ساعتها اول ما هنعلن هنجمع الفلوس في ثانيه لكل المحتاجين و كل المقتدرين اللي ربنا هينور قلوبهم و هيشتركوا في الحساب ده، مش هيحسوا انهم دفعوا حاجه بس هينقذوا حياة أطفال كتير و ناس كتير محتاجه، ومين عارف جايز الفكره دي تخلي مفيش ولا واحد مريض في مصر مش لاقي يتعالج و جايز المليون مشترك يكتروا».
وأضاف تامر حسني: “والله والله والله دي فكره بسيطه مش هتكلف حد بس هتخدم ناس كتير هتخدم بلد هتخدم كل المحتاجين و نخليهم ميمدوش أيديهم لحد يكسفهم ، ربنا خلقنا عشان نساعد بعض و زي ما علمنا رسولنا الكريم”.
وأنهي تامر حسني قائلاً: “خير الناس انفعهم للناس يعني ربنا بيحب الناس اللي بتنفع الناس واي صدقه بتخرج من اي حد مستحيل تنقص ماله بالعكس هيضاعفها ربنا في رزقه وهيكرمه ويطهره ويرفع عنه بيها يارب الفكره دي تتحقق”.
