"مبهورة باللى بشوفه".. مايان السيد تزور مستشفى57357
كشفت الفنانة مايان السيد عن غامر سعادتها بعد زيارتها مستشفي 57357، وتطلب من متابعيها زيارة المستشفي والتبرع لها بكل ما يقدروا به.
"مبهورة باللى بشوفه".. مايان السيد تزور مستشفى57357
وعلقت الفنانة مايان السيد على الفيديو قائلة"مبسوطة أوي إني بزور مستشفى 57357 النهاردة دي تاني زيارة ليا وإن شاء الله هاجي أكتر وأكتر، اتبسطت إني شفت حجات كتير حلوة هنا".
تابعت:" زرت الأطفال فى وحدة علاج اليوم الواحد ومركز الإبداع والعلاج بالفن وشفت الرسم والإبداع اللي بيعملوه، واتصورت معاهم، وزرت الصيدلية ووحدة البحث العلمي شفت هنا تقدم وتطور ونظام، الحقيقة أنا مبهورة باللى بشوفه من تقدم وخدمات عالمية واهتمام بالأطفال، المكان هنا كله خير وحب، وإن شاء الله المكان ده يفضل دايماً مفتوح ويكبر أكتر وأكتر وربنا يشفي كل الأطفال".
وأختتمت مايان السيد “إنتوا كمان روحوا زوروهم وفرحوهم اتصلوا على 19057 وحددوا ميعاد زيارة و اتبرعوا باللي تقدروا عليه لإنهم محتاجين تبرعتكوا”.
وظهرت الفنانة مايان السيد في دور نجلة وزير الدفاع الفريق عبدالفتاح السيسي في مسلسل الإختيار3 الذي يضم عدد كبير من الفنانين منهم أحمد السقا وكريم عبد العزيز وأحمد عز وياسر جلال، وخالد الصاوى، صبرى فواز، جمال سليمان، محمد رياض، إيمان العاصى، هيدى كرم، سمر مرسى، نور محمود، خالد زكى، منى عبد الغنى، مفيد عاشور، نادية رشاد، أمير المصرى، محمود البزاوى والمسلسل من تأليف هانى سرحان، وإخراج بيتر ميمى، إنتاج شركة سينرجي.
