مرتضى منصور: "الخطيب لف ميدالية دهب في جيبه ومحدش حاسبه"

تحدث مرتضى منصور رئيس نادي الزمالك، حول استقالة مصطفى هدهود نائب الرئيس عصر اليوم، عقب واقعة الميدالية بنهائى كأس مصر لكرة اليد.

وقال مرتضى منصور خلال فيديو نشره على صفحته الرسمية: "الخطيب عنده مخالفات بملياريات ومحدش بيحاسبه أنما الحساب لمرتضى ونادي الزمالك بس".

واضاف: "جمال عبد الحميد القضية اللي عليه كمرشح هو دلوقتي عضو مجلس إدارة، وفائز بأعلى الأصوات في الإنتخابات ومستمر معنا".

وأكمل: "الخطيب لف ميدالية دهب في جيبه ومحدش حاسبه، لكن الزمالك نادي الوطنية والكرامة، مصطفى هدهود تقدم  بإستقالته واحنا قابلنا كمجلس إدارة".

وزاد: "الفرق بينا وبين الخطيب أن محدش بيحاسبه،  لكن هدهود جيه مشكورا لما حس أن في حاجة تمس سمعة النادي واستقال، وسيظل جزءاً منا ومعنا لكن هناك خطأ حدث أى كان مبرره".

وأردف: "لم يا خطيب العيال اللي عندك، أحنا نادي الوطنية الكرامة ومش عايزين نسمع صوتك تاني، أحنا قدمنا درس لكل الناس وهو دا نادي الزمالك".