"أب قبل ما يكون ريس".. أول تعليق من والدة مصطفى بعد استجابة السيسي لندائها

نشرت زينب مهاب، والدة الطفل مصطفى وليد، مساء أمس، الإثنين، فيديو بث مباشر عبر صفحة بموقع "فيسبوك" الخاصة بجمع التبرعات لطفلها مصطفى، لتعلن عن استجابة الرئيس عبدالفتاح السيسي، لاستغاثتها خلال برنامج "آخر النهار" مع الإعلامي تامر أمين، وتكفله بكافة تكاليف علاج طفلها، حيث أن الطفل مصطفى وليد يعاني من مرض نادر في الجهاز الهضمي، مما دفع الأسرة إلى إجراء عملية جراحية لاستئصال القولون بشكل كامل، إذ يحتاج الطفل إلى زراعة جهاز هضمي كامل، يشمل المعدة، والطحال، والبنكرياس والأمعاء، ويحتاج للسفر إلى الولايات المتحدة الأمريكية لإجراء عملية جراحية تتكلف 2 مليون دولار، وكانت الأم قد تمكنت من جمع مليون و650 ألف جنيه من أصل 36 مليون جنيه، عن طريق التبرعات بـ4 بنوك مصرية وتحت إشراف وزارة التضامن الاجتماعي

وقالت زينب خلال البث المباشر : "ربنا يكرمك يا ريس يا أبو المصريين جبرت بخاطري، كنت شايلة هم الفيزا، طلعت مع الإعلامي تامر أمين قولتله أنا مش عارفة هعمل إيه في الفيزا، كانت مشكلتي في الفيزا، الحمدلله الريس هيتولى موضوع الفيزا وهتطلع بسرعة".

وعن دور الوزارات في جمع التبرعات وتسهيل الإجراءات قالت: "دي ملحمة مصرية بإيدين مصرية بإشراف مصري وبمساعدة الريس حبيبنا، وكل الوزارات متضامنة معانا، بشكر وزيرة التضامن الإجتماعي جبرت بخاطري، أي حاجة في ثانيتها كانت بتخلص، مفيش ورق كان بيطول لإنها عارفة قد إيه الوضع خطر، والولد لازم يسافر بسرعة، ودكتور عبدالغفار بيكلمني من وزارة الصحة دايمًا".

وأضافت، "بشكر رجال الأعمال اللي اتبرعوا ومش عايزين اسمهم يظهر، وبشكر الشعب الجميل اللي دايما بيكلمني وبيتبرع ربنا يببارك فيكوا، كنت بقول للإعلامي تامر أمين، بيقولوا في المستشفى معقولة المصريين بيعملوا كدة؟ كل شوية حد مصري يكلم المستشفى ويتبرع، المصريين أجدع ناس، أنا فخورة إني مصرية، مصر أم الدنيا".

واختتمت حديثها وهي باكية، قائلة: "ماكنتش مصدقة لما قالولي الريس هيكلمك، أنا دايمًا بقول إن الريس لوعرف إن مصطفى محتاج مساعدة هيساعده فورًا، الريس أب قبل ما يكون ريس، بشكرك ياريس أنا كدة بقيت في إيد أمينة وعارفة إن الريس مش هيسيبنا، أنا بحبك جدًا، وبحب مصر بلدي".