الكاتبه وفاء ماهر:" الست لما بتشتغل بتكون مش فاضية ومبتتكلمش كتير"
الإثنين 31/يناير/2022 - 10:29 م
قالت الكاتبه وفاء ماهر ان الست بطبيعتها بتتكلم كتير، بس الست لما بتشتغل بتكون مش فاضية و مبتتكلمش كتير، وان هناك سيدات ذكية تعرف ترغي مع الرجل في الموضوعات اللي بيحبها زي الكورة والشغل، جاء ذلك خلال مداخلة هاتفية لبرنامج كلمني زي ما بكلمك الذي يذاع علي نغم اف ام و البرنامج من تقديم خلود نادر.
وأضافت ان مهم للست متصدرش طاقة سلبية وتبقى مرحة، و الست الرغاية مزعجة والصامتة مملة وخير الأمور الوسط، ومهم ان الرجل يتكلم ويعمل بهجة في البيت.
وذكرت ان اول قصة في كتاب رغي ستات بعنوان لعبة القدر والدرس المستفاد منها ان جوة كل محنة منحة، وبالنسبة للسن فهو مجرد رقم والاحساس الداخلي هو اللي بيظهر على الست وبقول لكل ست تمسكي بإحساس طفولتك.
واختتمت قائلة : الكتاب اللي بكتبه دلوقتي " في بيتنا مسن عشان تجربة شخصية ليا وكل بيت في مسن " ومعاملتهم لازم تكون معاملة خاصة وكل ابن لازم يكون بار بأهله لانهم في الكبر بيرجعوا زي الاطفال.
