شيرين تتحدى أصالة: مش هتقدري تعملي شعرك كده
الجمعة 10/ديسمبر/2021 - 10:27 م
وجهت النجمة شيرين عبد الوهاب بعد حلقها شعرها ، رسالة تحدى للنجمة أصالة من على مسرح حفلها بأبو ظبى قائلة " أنا بتحدى أصالة المرة دى مش هتقدر تعمل كده".
وفاجئت النجمة شيرين عبد الوهاب جمهورها بحلق شعرها فى أحدث ظهور لها بحفلها الأخير فى أبو ظبى وذلك بعد طلاقها من المطرب حسام حبيب ، ولفت النيولوك الجديد لشيرين عبد الوهاب الأنظار إليه ووصفه رواد مواقع التواصل الاجتماعى بإنه" صدمة شيرين قوية عبرت عنها بهذا التصرف".
ومن جانبه دعم الفنان وائل عبد العزيز ، شقيق الفنانة ياسمين عبد العزيز ، الفنانة شيرين بنشر صورتها بعد حلق شعرها وعلق عليها قائلا " متزعليش يا ست البنات ارجعي ونوري واشتغلي لجمهورك كله بيعدي الفرح بيعدي والحزن بيعدي وانتي واحشتينا ..ربنا عوضه كبير".
ووجهت الفنانة المعتزلة حنان ترك رسالة دعم للنجمة شيرين عبد الوهاب بعد ظهورها بحلق شعرها فى حفلها الأخير بعد طلاقها من حسام حبيب.
وقالت حنان ترك "شيرين عبدالوهاب الجميله ..عارفين انا زعلانه عليها واللّٰه ، ومحدش ينتقدها من اللي عملته ، واحده حبت واحد جدا وادته كل ما تملك وادته شقي عمرها وامنته ع حياتها وف الاخر ضحك عليها ف كل حاجه ، احنا لما بندخل علاقه ونخسر الشخص اللي معانا بنقعد تعبانين فتره جامده مش بمزاجنا لا غصب عننا من العشره والايام الحلوه ، ربنا يقدرك وتقفي ع رجلك تاني ، حتي لو بتضحكي ومبينه انك قوية".
