"بيخلوا الستات تصرخ منهم".. استغاثات من متحرشين بدراجات فى شوارع أسيوط (صور)
الإثنين 27/سبتمبر/2021 - 10:47 ص
تداول رواد موقع التواصل الاجتماعي "فيس بوك" عدة صور لرجلين يستقلان دراجة في شوارع أسيوط، مع استغاثات منددة بتعرض عدة سيدات للتحرش من قبل الرجلين.
ونشرت إحدى الفتيات عبر حسابها الشخصي بموقع "فيس بوك" تفاصيل الواقعة قائلة: "يا جماعة فى 2 رجالة بعجلة متحرشين فى منطقة شارع النميس والشوارع المتفرعة منها سواء الحتة بتاعة نجيب الريحانى أو مدرسة خديجة يوسف".
وتابعت: "الاتنين دول بيلفو كتير هناك وبالأخص فى وقت الصبح بدرى بيضايقو الستات اللى رايحين شغلهم والبنات اللى رايحة الكنيسة وحتى الفلاحات اللى بيسترزقو الصبح بدرى ياعينى وبيقعدو يصرخو ويبكو ومفيش حد بينقذ حد".
وأتمت كلامها قائلة: "أنا بجد نفسي الاتنين دول يتمسكو وللأسف محدش واخد موقف معاهم ولا بيبقي فى شهود أو حد يدافع عن أى ست متضررة منهم.. المفروض التصرف إزاى أو لو حد عنده حل للمساعدة ياريت لان مش دايما المواقف دى الواحد يلحق يصورهم ويفضهم وخصوصا انهم بيبقو راكبين عجل بس حرفا مبيعتقوش ست".
